نئی دہلی،یکم جولائی(ایس او نیوز؍آئی این ایس انڈیا)وزیر اعظم نریندر مودی نے اپنے ملک میں بنے ہلکے لڑاکا طیارے تیجس کو فضائیہ میں شامل کئے جانے کو لے کر منفرد فخر اور خوشی کا معاملہ بتایا اور ایک ایسا قدم بتایا، جو ہندوستانی سائنسدانوں کی مہارت اور صلاحیت کی عکاسی کرتا ہے۔انہوں نے ٹوئٹ کیا کہ وطن میں بنائے گئے تیجس لڑاکا جیٹ کے لیے فضائیہ میں شامل کرنے سے ہمیں بے پناہ فخر اور خوشی کا احساس ہو رہا ہے۔تیجس کے پہلے سکواڈرن کو آج صبح بنگلور میں ہندوستانی فضائیہ میں شامل کیا گیا جس کے دو لڑاکا طیارے آج فضائیہ میں شامل ہوئے۔یہ ملک کے فوجی ہوا بازی کے علاقے میں ایک بڑی کامیابی ہے۔مودی نے ایک اور ٹوئٹ میں کہاکہ تیجس لڑاکا طیارے شامل کئے جانے پر میں ایچ اے ایل اور اے ڈی اے کی تعریف کرتا ہوں۔یہ دیسی دفاعی تعمیر میں ہماری مہارت اور صلاحیت کی عکاسی کرتا ہے۔سرکاری ایچ اے ایل نے دو تیجس طیارے کو ہندوستانی فضائیہ کو سونپا جو پہلا اسکویڈرن ہے جس کا نام ’’فلائنگ ڈیگرس‘‘رکھا گیا ہے۔اس موقع پر ایئر کرافٹ سسٹم ٹیسٹنگ اسٹیبلشمنٹ میں پراتھنا کا انعقاد کیا گیا۔ایل سی اے تعمیر کی پہل شروع کرنے کے تین دہائی بعد ہندوستانی تعمیری لڑاکا طیاروں کو فضائیہ میں شامل کیا گیا ہے۔طیارے کا نام’’تیجس‘‘سابق وزیر اعظم اٹل بہاری واجپئی نے رکھا تھا۔
